«Ադրբեջանն իր սահմանադրությամբ Հայաստանի մեծ մասը ճանաչում է որպես իր տարածքի մաս»․ Պեդրո Զարոկյան

Երևանի ավագանու ընդդիմադիր անդամ Պեդրո Զարոկյանը ֆեյսբուքյան իր էջում գրել է․ «Ադրբեջանն իր սահմանադրությամբ Հայաստանի մեծ մասը ճանաչում է որպես իր տարածքի մաս: Անգործունակ ղեկավարները, որոնք կեղծում են ընտրությունները, երբեք չեն կարող ցանկացած երկրի համար բանակցել լավագույն պայմաններով։
Կարող ես ատել կամ սիրել Պուտինին, բայց քանի դեռ նա ողջ է, միայն հիմարը կարող է մտածել, որ կարող է հակադրվել նրան՝ առանց սեփական երկրին լուրջ վնաս հասցնելու (հատկապես՝ Եվրասիական տնտեսական միության անդամ երկրի դեպքում)։ Մենք արդեն կորցրինք Արցախը՝ այն ապուշների պատճառով, ովքեր կարծում էին, թե կարող են հակադրվել Պուտինին։ Հիմա կարող ենք կորցնել նաև Հայաստանը։
ԱՄՆ-ում մի երկու լավ ասույթ կա․ «Միայն հիմարը կարող է հոսանքին հակառակ լողալ ու ակնկալել, որ կհասնի ափ»։ «Լավ բաները ժամանակ են պահանջում․ թող բնությունն իր հունով ընթանա»»։