Երկուշաբթի, 17 օգոստոսի, 2026 թ.
|
Ստեփանակերտում`   +19 °C

Ռուսաստանն ակնկալում է, որ Հայաստանը կկատարի իր պարտավորությունները ԵԱՏՄ-ի շրջանակներում

Ռուսաստանն ակնկալում է, որ Հայաստանը կկատարի իր պարտավորությունները ԵԱՏՄ-ի շրջանակներում
680
Չորեքշաբթի, 18 մարտի, 2026 թ., 22:03

Ռուսաստանն ակնկալում է, որ Հայաստանի կառավարությունը կկատարի իր պարտավորությունները Եվրասիական տնտեսական միության (ԵԱՏՄ) շրջանակներում, չնայած Եվրոմիությանն ինտեգրվելուն, հայտարարել է Ռուսաստանի արտաքին գործերի նախարարության մամուլի խոսնակ Մարիա Զախարովան։ Նա ընդգծել է, որ միաժամանակյա մասնակցությունը և՛ եվրոպական, և՛ ռուսական ինտեգրացիոն նախագծերին անհնար է, քանի որ դա հակասում է տնտեսական օրենքներին և առողջ բանականությանը։

«Մենք հույս ունենք, որ Հայաստանի ղեկավարությունը, որը բազմիցս խոստացել է մեզ չդադարեցնել համագործակցությունը ԵԱՏՄ-ի շրջանակներում և չստեղծել խոչընդոտներ ռուսական բիզնեսի համար, կշարունակի խստորեն պահպանել իր պարտավորությունները կամ պարզաբանել իր դիրքորոշումը, ինչի իրավունքն ունի», - ասել է Զախարովան ճեպազրույցի ժամանակ։

Հայաստանը 2025 թվականին օրենք է ընդունել Եվրոմիությանը միանալու գործընթաց սկսելու համար։ Նիկոլ Փաշինյանը բազմիցս հայտարարել է, որ եթե երկիրը միանա միությանը, ապա ստիպված կլինի դուրս գալ ԵԱՏՄ-ից, բայց այդ ընտրությունը կատարելու անհրաժեշտություն դեռևս չկա։ Ռուսաստանի արտաքին գործերի նախարար Սերգեյ Լավրովը ընդգծել է, որ Հայաստանը չի կարող ընդունել ԵՄ չափանիշները՝ առանց ԵԱՏՄ-ից դուրս գալու։