«Թեհրանը դեռևս չի ավարտել պատասխանել էներգետիկ ենթակառուցվածքներին հասցված հարվածներին»․ Զոլֆաղարի

Թեհրանը դեռևս չի ավարտել պատասխանել Իրանի էներգետիկ ենթակառուցվածքներին հասցված հարվածներին, հայտարարել է «Խաթամ ​​ալ-Անբիայի» ռազմական հրամանատարության՝ կենտրոնական շտաբի խոսնակ Էբրահիմ Զոլֆաղարին։

«Թշնամուն նախազգուշացնում ենք, որ նրանք լուրջ սխալ են թույլ տվել՝ հարձակվելով Իրանի էներգետիկ ենթակառուցվածքների վրա։ Պատասխանն այժմ ընթացքի մեջ է և դեռևս ավարտված չէ։ Եթե (Իրանի ենթակառուցվածքների վրա հարձակումը – խմբ.) կրկնվի, ձեր և ձեր դաշնակիցների էներգետիկ ենթակառուցվածքների վրա հետագա հարձակումները չեն դադարի, մինչև դրանք լիովին չոչնչացվեն, և պատասխանը կլինի ավելի կոշտ, քան անցած գիշերը», - նրա խոսքերն է մեջբերել Tasnim-ը։

Ավելի վաղ Իրանի զինված ուժերը հաստատել էին, որ հարձակվել են Մերձավոր Արևելքի էներգետիկ օբյեկտների վրա՝ ի պատասխան «Հարավային Փարս» հանքավայրի վրա հարվածների։ ԱՄՆ նախագահ Դոնալդ Թրամփը սպառնացել էր, որ եթե Իրանը հարձակվի Կատարի վրա, ԱՄՆ-ն կոչնչացնի հանքավայրը այնպիսի ուժով, ինչպիսին Իրանը երբեք չի տեսել։ Նա նաև հայտարարել էր, որ ԱՄՆ-ն տեղյակ չէր Իսրայելի կողմից հանքավայրի վրա հարձակվելու ծրագրերի մասին։