«Փաշինյանը չէ՞ր մեզ նույն խաղաղությունը խոստանում, բայց 3 պատերազմ բերեց»․ Նարեկ Կարապետյան

107

Այսօր, 22:24

«Ուժեղ Հայաստան» կուսակցության խորհրդի նախագահ Նարեկ Կարապետյանը ֆեյսբուքյան էջում տեսանյութ է հրապարակել՝ կից գրառմամբ․ «Փաշինյանը չէ՞ր մեզ և՛ 2018-ին, և՛ 2021-ին նույն խաղաղությունը խոստանում, բայց 3 պատերազմ բերեց։
Վարչապետ Սամվել Կարապետյանը կբերի ուժեղ և երաշխավորված խաղաղություն։ Մենք այլևս թույլ չե՛նք լինելու»։

«Այսօր նորից, նոր հանդգնությամբ նա խոստանում է մեզ խաղաղություն։ Իսկ ի՞նչ խաղաղություն է խոստանում նա, ասում է՝ եկեք պայմանավորվենք Ադրբեջանի հետ առանց երաշխավորների, եկեք պայմանավորվենք Հեյդար Ալիևի որդու՝ Իլհամ Ալիևի հետ առանց երաշխավորների․․․

Ապագա իշխանությունների հիմնական գործիքակազմը լինելու է ուժեղ դիվանագիտությունը․․․ Մեր առաջարկն է երաշխիքներով խաղաղություն։ Մեկից ավելի երաշխավորը կլուծի Հայաստանի անվտանգային երկարաժամկետ հարցերը, իսկ այդպիսի երաշխավորներ կան․․․ Հայաստանը վերածվելու է խաղաղության օազիսի տարածաշրջանում, ուժեղ առաջնորդության դեպքում»,- տեսանյութում նշել է Կարապետյանը։

Աղբյուրը` Կիմա Ավդալյան