«Հիմա մի «բաթլ» էլ ես եմ քեզ առաջարկում, Նիկո՛լ»․ Նաիրա Զոհրաբյան

«Նիկոլ Փաշինյանն անցել է բացահայտ շանտաժի․ երեկ նա հայտարարեց, որ եթե ինքը չլինի իշխանության, ապա կլինի պատերազմ, և անգամ նշեց ամիսը՝ սեպտեմբերին»,- այս մասին «24Նյուզ»-ի հետ զրույցում ասաց ԱԺ նախկին պատգամավոր, հասարակական-քաղաքական գործիչ Նաիրա Զոհրաբյանը՝ ընդգծելով, որ այդ հայտարարությունով նա մարդկանց հոգեբանական պրեսսինգի է ենթարկում։

«Ես վախենում եմ պատկերացնել, թե Նիկոլն ինչեր է անելու․․․ Նա չունի որևէ կարմիր գիծ, զարհուրում եմ, տոտալ վերահսկողություն է․․․ Քաղաքական և լրատվական դաշտը կապարակնքվելու է։ Խոսքի ազատության, քաղաքական ուժերի՝ դիրքորոշում արտահայտելու իրավունքի մասին իմաստ ունենալո՞ւ է խոսել, թե՞ բոլորը լինելու են բերդերում․․․

Նրա վիճակը մտահոգիչ է, երեկ լրագրողներին հաթաթա տվեց, հետո իր սենյակից լայվ մտավ, ընդդիմությանն ասաց․ «Ուժեղ տղերք եք, 30 հատ ժիմ արեք, ասեք՝ Իսպանիայի մայրաքաղաքը ո՞րն է․․․»։

Հիմա մի «բաթլ» էլ ես եմ քեզ առաջարկում, Նիկո՛լ, ուղիղ եթերում ասա․ «Արցախը Հայաստան է, և վերջ»։ Եթե ասացիր, իմ ձեռքով սպանախով, նռով սալաթ եմ սարքելու, ուղարկեմ քեզ»,- նշեց Զոհրաբյանը։