«Արցախցի կինը գիտի, թե ինչ է կորցրել ու ինչ այևս չի պատրաստվում կորցնել». Ռադա Բուշման

Օգտատեր Ռադա Բուշմանը գրել է. «Հարգանքներս մետրոյի մեջի արցախցի կնոջը։ Պարզապես արժանապատիվ մարդ, ով գիտի, թե ինչ է կորցրել ու ինչ չի պատրաստվում էլ կորցնել։ Ձեր բալիկը մի օր հպարտանալու է, որ հենց Ձեզ նման մարդ է մեծացրել իրեն։
Մնացածիս համար էլ փոքր հիշեցում էր՝ արժանապատվությունը չի պարտադրում, բայց իր ազդեցությունն աներկբա է։
Սիրելի՛ ժողովուրդ, վախն ամենավտանգավոր թույնն է։ Համարձակ եղեք, բարձրաձայնեք, մի՛ լռեք։ ՔՊ-ի քարոզարշավը մի օր կթափվի հենց իրենց գլխին։
Այսօր Փաշինյանն ակնհայտորեն ունի արտաքին աջակցություն, և դա պատահական չէ։ Շատերին «ձեռ է տալիս», որ Հայաստանն ունենա թույլ, վերահսկելի և կանխատեսելի ղեկավարություն, որի պայմաններում իրենց շահերը հեշտությամբ առաջ են տանում։ Երբ երկիրը ներսից թույլ է, դրսից բոլորն ուժեղ են դառնում։ Եվ, բնականաբար, նրանք ստանում են այն, ինչ ուզում են։
Մենք չենք գտնվում «դժվար ժամանակներում», մենք գտնվում ենք որոշումների հետևանքների մեջ։ Եվ այդ հետևանքները դեռ ավարտված չեն։
Այս իշխանությունը ամեն ինչ անում է, որ մենք շփոթված լինենք, բաժանված լինենք, հոգնած լինենք։ Որովհետև այդ վիճակում մարդը չի պայքարում, մարդը պարզապես հարմարվում է։ Իսկ հարմարվող ժողովրդին հեշտ է կառավարել։
Ժողովուրդ ջան, միակ իրական լծակը ձեր ձեռքում է՝ ձեր քվեն։ Միակ հույսը այս իշխանությանը ձեր ձայնով մերժելն է։ Այլ ճանապարհ չկա։ Երկու անգամ ընտրեցինք նույն ղեկավարին՝ արդյունքում ստացանք պատերազմ, ցավ, կորուստներ և կորցրեցինք Արցախը։ Սա փաստ է, ոչ թե կարծիք։ Երրորդ անգամ նույնն անելը արդեն սխալ չէ, դա ընտրություն է՝ գիտակցված։ Ու դրա գինը կարող է լինել շատ ավելի բարձր, քան նախկինում։
Չափազանցություն չկա։ Սա այն եզրն է, որտեղից կամ հետ ես քաշվում, կամ ընկնում»։