«Հայաստանին ոչ հեղափոխությունը կփրկի, ոչ իշխանափոխությունը»․ Հայկ Դերզյան

ՀՀԿ խորհրդի անդամ Հայկ Դերզյանի ֆեյսբուքյան գրառումը․ «Իմ ամենամեծ թշնամին «մեկը պետք ա ասի», «մեկը պետք ա անի» բառակապակցությունն ա, որովհետև հենց «մեկը» ասելով՝ ինքս ինձնից վանում եմ այդ «մեկի» պատասխանատվությունը։
Հայաստանին ոչ հեղափոխությունը կփրկի, ոչ իշխանափոխությունը… Հայաստանի փրկողը դաստիարակությունն ա։
Կրթությունը չէ․ կրթված տականքի պակաս չունենք։ Դաստիարակությունն ա։
Դաստիարակված մարդը՝
Ընտրությունների տասովչիկ չի դառնում,
Ընտրակաշառք չի վերցնում,
Պետությունը չի թալանում,
Պետությանը չի դավաճանում,
Այլ երկրի շահերին չի ծառայում,
Հարազատի՝ որդու, եղբոր, ամուսնու, թոռան սառած դին թանկով չի վաճառում,
Գերությունից կամ պատերազմից հետո օրը հազար անգամ դա մարդկանց վրա չի վաճառում,
Որևէ ղեկավարի կուռք կամ Աստված չի սարքում,
Անծանոթ մարդկանց չի հայհոյում,
Քածին պատգամավոր կամ ավագանի չի սարքում,
Սկզբից մեկի, հետո մյուսի մոտ պալատական կապիկ չի աշխատում,
Թշնամու քարոզ չի անում, հետո իրեն գերհզոր ու վերպետական կերպար ձևացնում։
Մեկը պետք ա ասի էն, ինչ կա, էն, ինչ բոլորդ գիտեք, ու մեծ մասդ դրա զգալի հատվածի կրողն եք…
Պետությունը ապրելու մի տարբերակ ունի… դրա մասին 70 օրից կխոսենք.․. երևի․..»։