«Կոչ եմ անում բացառել բռնության ցանկացած դրսևորում»․ Զառա Հովհաննիսյան

Իրավապաշտպան, հրապարակախոս Զառա Հովհաննիսյանի ֆեյսբուքյան գրառումը. «Ես նորից կոչ եմ անում բացառել ցանկացած բռնության դրսևորում։
Կլինի դա ֆիզիկական բռնություն՝ հարվածներ հասցնելու փորձ, ինչպես եղավ երեկ, թե խոսքային՝ վերբալ բռնություն, հայհոյանքի ու նվաստացման ձևով, ինչը, ցավոք, արդեն պարբերական բնույթ է կրում անգամ ԱԺ-ում։
Պետք է հստակ սահման գծել․ քննադատությունը ժողովրդավարության հիմքն է, իսկ բռնությունը՝ դրա խեղաթյուրումը։
Կարելի է և պետք է լինել կոշտ, պահանջկոտ, անզիջում, արժեհամակարգային քննադատության մեջ, բայց դա չի կարող և չպետք է վերածվի բռնության։
Միևնույն ժամանակ, կարևոր է նաև խոսքի որակը։ Խոսքը պետք է լինի պատասխանատու, հարգալից և փաստերի վրա հիմնված։ Խոսքը, դա ստեղծարար պրոցեսի մաս է, կառուցող խոսքը չի բացառում, չի պիտակավորում, այն կարող է համախոհների միավորել, իսկ հայգհոյանքի և բռնության գործը՝ քայքայումն է։
Բռնությունը ոչ միայն անընդունելի է, այլև փակուղի է․ այն չի լուծում խնդիրներ, այլ խորացնում է դրանք»։