Երկուշաբթի, 30 մարտի, 2026 թ.
|
Ստեփանակերտում`   +9 °C

«Նիկոլի ճակատագիրը Ռոբերտ Քոչարյանի ձեռքերում է». Սամվել Ֆարմանյան

«Նիկոլի ճակատագիրը Ռոբերտ Քոչարյանի ձեռքերում է». Սամվել Ֆարմանյան
154
Այսօր, 20:30

ԱԺ նախկին պատգամավոր Սամվել Ֆարմանյանի ֆեյսբուքյան գրառումը․ «Նիկոլի ճակատագիրն, առանց չափազանցության, Ռոբերտ Քոչարյանի ձեռքերում է:
Եթե Քոչարյանը հայտարարում է, որ ստեղծված իրավիճակում դուրս է գալիս ընտրապայքարից և իր քաղաքական հենարան ՀՅԴ-ին կոչ է անում համախմբվել ընդդիմադիր ամենաուժեղ բևեռի շուրջ, Նիկոլը կարող է Աննայի օրինակով կառավարական կեցավայրից սկսել հավաքել անձնական իրերը:
Կասկած չունեմ, որ ուժեղ ու խոհեմ առաջնորդին վայել նման քայլը դոմինոյի էֆեկտով բերելու է ընդդիմադիր այլ ուժերի ու կենտրոնների նույնիմաստ որոշումների:
Արդյունքում, հունիսի 7-ին ընդառաջ կայանալու է այդքան ցանկալի ընդդիմության միավորումը, որի դեմ Նիկոլը որևէ շանս չունի: Հայ ժողովուրդն այդ դեպքում ընտրատեղամասերում ուղղակի ջնջելու է Նիկոլին: Ի՞նչ է հակադրելու Նիկոլը: Չգրանցի՞ միավորված ընդդիմությանը՝ կլինի հեղափոխություն: Կեղծի՞ ընտրությունները՝ նույնը:
Հ.Գ. Հայաստանի համար ճակատագրական այս պահին նման իմաստուն քայլը մեր ժողովրդի ընկալումներում ձևավորելու է Ռոբերտ Քոչարյանի լրիվ այլ՝ միանգամայն շահեկան կերպար»:

Աղբյուրը`   Սամվել Ֆարմանյան