«Աբսուրդի թատրոնի խամաճիկն անգամ գիտի իր խաղի սահմանը, բայց դուք կտրվել եք»․ Արեգ Սավգուլյան

Պատմաբան Արեգ Սավգուլյանի ֆեյսբուքյան գրառումը․ «Զառամյալ Ալեն Աղդամիչը մոռանում է՝ իրենց կողմից հանձնված, դժգույն Շուշիի ռազմական փոխօգնության հռչակագրի մասին, որն ընդունվեց էրդողանի և Իլհամի կողմից 2021 թվականի հունիսի 15-ին: Ավելին՝ նա չի հիշում անգամ, որ հունիսի 17-ին այդ փաստաթուղթը խստագույնս դատապարտվել է ՀՀ ԱԳՆ-ի կողմից և որակվել որպես «սադրանք»։ ՔՊ-ական խունտան էլ, մոռացել էր ՀՀ ազգային անվտանգության ռազմավարության մասին, որտեղ ՀՀ հիմնական հակառակորդների ցանկում նշվում էր Ադրբեջանը և Թուրքիան (մինչև 2025 թիվը ներառյալ)։ Հիմա հարց. ի՞նչ է փոխվել: Ըստ էության բացի «TRIPP»-ի ամպագոռգոռ փաստաթղթից ոչինչ։
Ալեն Սիմոնյան, ասում ես բառացի, որ «Ադրբեջանի անվտանգության երաշխավորը՝ ամենամեծ, Հայաստանի Հանրապետությունն է, իսկ Հայաստանի Հանրապետության անվտանգության երաշխավորը Ադրբեջանն է»։
Հիմա եկեք #ԻրականՀայաստանի գետնի վրա մոդելավորենք սրտակեր Դոն Ժուանի ասածը։ Եթե Իրանը պատերազմի Իսրայելի և Թուրքիայի սատելիտ Ադրբեջանի հետ մենք երաշխավորելո՞ւ ենք Ադրբեջանի անվտանգությունը, իսկ եթե Թուրքիան հարձակվի Հայաստանի վրա Ադրբեջանը կերաշխավորի մեր անվտանգությունը, իսկ երբ հենց ինքը՝ Ադրբեջանը հարձակվի ՀՀ-ի վրա գուցե Բաքուն ապահովի Երևանի անվտանգությունը։ Այս սցենարը նույնկերպ կարող եք խաղարկել ՌԴ-ի հետ, և այդ դեպքում փորձեք պատկերացնել ով ում կերաշխավորի։ Աբսուրդի թատրոնի խամաճիկն անգամ գիտի իր խաղի սահմանը, բայց դուք կտրվել եք։
Հ.Գ. Հասկացանք, որ ՔՊ-ը համամասնական ցանկի առաջին տասնյակից դուրս ես թռել, վիրավորված ես, խոցված և անտեսված, բայց կասե՞ս ուղերձդ ո՞ւմ էր ուղղված և հանուն ինչի՞, ԱԺ-ը նախագահի աթոռն ես ուզում պահե՞լ, թե՞ թուրքերին ես հուշում, որ նոր վարչապետի թեկնածու կա։ Դրա համար պետք է խոսել ավելի ուղիղ. «Հայաստանը Արևմտյան Ադրբեջան է և վե՛րջ»։ Սա կլիներ ազնիվ, բայց դու այդ իրավունքը չունես Ալեն, որովհետև սույն հեղինակային միտքը պատկանում է քո կրոնապետին»։