Վրաստանը նոր վիզա է մտցնում հեռավար աշխատողների համար

Վրաստանը փոփոխություններ է ընդունել, որոնք հատուկ վիզա են մտցնում արտասահմանյան ընկերություններում հեռավար աշխատող օտարերկրացիների համար: Այն տրամադրվում է մեկ տարի ժամկետով, հաղորդում է NewsGeorgia-ն:

Այս վիզաները նախատեսված են այսպես կոչված թվային քոչվորների համար՝ մասնագետների, ովքեր իրենց աշխատանքում օգտագործում են ժամանակակից տեխնոլոգիաներ և հաճախ փոխում են իրենց բնակության վայրը՝ ճանապարհորդելով աշխարհով մեկ: DemandSage վերլուծական ընկերության տվյալներով՝ նման մարդկանց ընդհանուր թիվը 2025 թվականի սկզբին կհասնի 40 միլիոնի:

«Օտարերկրացիների և քաղաքացիություն չունեցող անձանց իրավական կարգավիճակի մասին» թարմացված օրենքի համաձայն՝ C5 վիզան նախատեսված է Վրաստան զբոսաշրջության նպատակով մուտք գործող և երկրից դուրս գտնվող ընկերությունում աշխատող անձանց համար: Թույլտվությունը տարածվում է նաև դիմորդի ամուսինների և անչափահաս երեխաների վրա: Վիզան կարող է մերժվել պետության ներգաղթային քաղաքականության հիման վրա, և որոշումը չի կարող բողոքարկվել: