ՌԴ-ն Գերմանիան անվանել է Ուկրաինայում հակամարտության գլխավոր հովանավոր

Գերմանիան դարձել է «պատերազմի» և Ուկրաինայի ռազմականացման գլխավոր հովանավորը, ճեպազրույցի ժամանակ հայտարարել է Ռուսաստանի արտաքին գործերի նախարարության մամուլի խոսնակ Մարիա Զախարովան։
«Գերմանիան դարձել է պատերազմի գլխավոր հովանավորը, Ուկրաինայի ռազմականացման գլխավոր հովանավորը։ Դրա մասին են վկայում նաև Բեռլինում հրապարակված տվյալները՝ Ուկրաինայի զինված ուժերի կարիքների համար Գերմանիային հատկացված միջոցների չափի վերաբերյալ», - ասել է նա։

Զախարովայի խոսքով՝ Բեռլինի «սերն Ուկրաինայի քաղաքացիների և ընդհանուր առմամբ Ուկրաինայի նկատմամբ» արտահայտվում է Կիևին ցուցաբերվող աջակցության մեջ, որը նա անվանել է «մահացու առատաձեռնություն»։ Զախարովան նշել է, որ Ուկրաինայի նախագահ Վլադիմիր Զելենսկին Գերմանիան անվանել է «Ուկրաինայի գլխավոր պաշտպանական գործընկեր»։

«Պարզ ասած՝ Գերմանիան Զելենսկու գլխավոր գործընկերն է Ուկրաինայի քաղաքացիների մահապատժի հարցում», - ասել է նա։