«Սկսեք սովորել, որ Երևանում ձեզ այլևս չեն սիրում»․ Հայկ Մարության

«Նոր ուժ» կուսակցության վարչապետի թեկնածու Հայկ Մարությանը ֆեյսբուքյան իր էջում տեսանյութ է հրապարակել՝ «Էս ի՞նչ ա անում» գրառմամբ։ Անդրադառնալով երեկ Արաբկիրում ՔՊ քարոզարշավի ժամանակ Նիկոլ Փաշինյանի և քաղաքացու միջև տեղի ունեցած միջադեպին, ասել է․ «Դուք երկրի վարչապետն եք, ձեզ ո՞վ է իրավունք վերապահել կնոջը քաշքշելու: Արդեն որերորդ անգամն է, որ մարդը, ով դուրս է գալիս և ձեզ ասում՝ ընդդիմադիր խոսք, դուք հարձակվում եք նրա վրա, բայց դա նորմալ չի չէ՞։ Էդ մարդը ոչ Ռոբն ա, ոչ Սերժն ա, չեք տեսնո՞ւմ՝ կին ա, էդ կինն Արաբկիրում ա ապրում, ինքը չի եկել Կառավարության շենքի մոտ բողոքի, դուք եք գնացել իր բակ, գոռգոռում եք, ինքն էլ իր կարծիքն է ձեզ արտահայտում։ Այո՛, դեմ ա ձեր կարծիքին, իրա կարծիքն ունի, պատկերացրեք՝ այդպիսի բան էլ է լինում և, ընդհանրապես, սկսեք սովորել, որ Երևանում ձեզ չեն սիրում այլևս, չեն հավատում և ոչ միայն Երևանում, այլ Երևանից դուրս»։