«Պետական ուռճացված կառույցը քայլ առ քայլ պետք է փոքրացնել»․ Տիգրան Դավուդյան

Իրանագետ Տիգրան Դավուդյանի ֆեյսբուքյան գրառումը․ «Իմ կարծիքով ՀՀ համապետական ընտրություններին մասնակցող ուժերը պետք է խոստանան պետական ուռճացված կառույցը քայլ առ քայլ փոքրացնել։ Ես չեմ քվեարկելու այն ուժերի օգտին, որոնք առաջարկում են նախարարությունների քանակն ավելացնել։ Օրինակ՝ գյուղացու ինչին է պետք գյուղատնտեսության նախարարությունը, համ էլ մարզպետարաններում և համայնքապետարաններում գյուղվարչություն կա, որոնք նույնանման առաքելություն ունեն։ Ես անցյալում անգամներ այցելել եմ գյուղնախարարություն. պաշտոնյաները համակարգչի դեմ նստած պարապությունից շարիկ էին գլորում։ Տասնյակ վարորդներ էլ մուտքի մոտ հավաքված նարդի էին խաղում։ Պետության փողը պետք է նպատակային ծախսել, ոչ թե խնամի֊ծանոթ֊բարեկամի (խծբ-ի) համար «աշխատատեղ» ստեղծել»։