«Չես կարո՞ւմ լեզուդ տեղը պահես, գոնե մեծ պետություններին չկպնես»․ Ռոբերտ Քոչարյան

«Այս մարդը չի հասկանում, որ իշխանությանը լսում են նաև դրսում։ Եվ երբ դու հիմարություններ ես խոսում, լեզվիդ ես տալիս Ռուսաստանի պես երկրի մասին՝ անմիջապես արձագանքում է»,- Ապարանում «Հայաստան» դաշինքի քարոզարշավի ժամանակ ասաց դաշինքի առաջնորդ Ռոբերտ Քոչարյանը։ «Երեկվա արձագանքն ուղղակի շատ վատ նշան է, ես այդ երկիրը շատ լավ գիտեմ, ես տողերի արանքով կարդում եմ, թե պաշտոնյաներն ինչ են ասում․ ասում են, որ դուք՝ ժողովուրդ ջան, պրոբլեմ ունեք այս իշխանության հետ, և այն սահմանափակումները, որ արդեն մտցրել են՝ հազարավոր մարդկանց վնաս է հասցնելու։ Լավ, մտել ես քարոզարշավ, չես կարո՞ւմ լեզուդ տեղը պահես, գոնե մեծ պետություններին չկպնես, հանգիստ մնաս։ Եվ ամենից ողբերգականն այն է, որ այս մարդու սխալների գինը տալիս է ժողովուրդը»,- հավելեց Քոչարյանը։