«Գիշերը չեմ քնել, լացս եկել է․ 5000 երեխա տանես, հողի տակ դնես՝ ինքն էլ ասի՝ ինչի՞ դուք չեք զոհվել»․ քաղաքացի

«90-ականների պատերազմի ժամանակ ես ու որդիներս հասել ենք մինչև Օմար, փոքր տղաս, ով դեռ 18 տարեկան չկար, զոհվել է, մեծս վիրավորումներ ստացել, ես 2-րդ կարգի հաշմանդամ եմ։ Արցախում եղել եմ մինչև 1996թ․։ Հիմա Փաշինյանը, Ալիևի եղբայրը, ասում է խի չեք զոհվել»,- «Հայստան» դաշինքի քարոզարշավի ժամանակ Ծաղկահովիտում բնակիչների հատ հանդիպման ժամանկ ասաց բնակիչներից մեկը։ «Գիշերը չեմ քնել, լացս եկել է, 18 տարեկան երեխուս կորցրել եմ, 5000 երեխա տանես հողի տակ դնես՝ ինքն էլ ասի ինչի՞ դուք չեք զոհվել։ Արա, բա ուզում ես լռիվիս կոտորե՞ս, 120 հազար ժողովրդին լցրել ես փողոցները, տուն-տեղ չունեն, երեխեքին կոտորել, դու ասում ես՝ ինչի՞ եք սաղ մնացել»,- հուզվեց քաղաքացին։