Ուրբաթ, 22 մայիսի, 2026 թ.
|
Ստեփանակերտում`   +12 °C

«ՀՀ իշխանությունների հուսահատ «սև PR»-ը». Ռոբերտ Ամստերդամը` Ռուբեն Ռուբինյանի մեղադրանքների մասին

«ՀՀ իշխանությունների հուսահատ «սև PR»-ը». Ռոբերտ Ամստերդամը` Ռուբեն Ռուբինյանի մեղադրանքների մասին
101
Երեկ, 23:12

Միջազգային իրավաբան և իրավապաշտպան Սամվել Կարապետյանի փաստաբանական խմբի անդամ Ռոբերտ Ամստերդամը հայտարարել է՝ Հայաստանի իշխանությունն իր քարոզչամիջոցներն օգտագործելով՝ կեղծ տեղեկություններ է տարածում. «ՀՀ իշխանությունների հերթական բացահայտ սուտն ու հուսահատ «սև PR»-ը. ընտրական մանիպուլյացիաների և իրենց ավտորիտար գործելաոճի բացահայտումից սարսափած՝ իշխանական քարոզչամիջոցներն անցել են անձնական վարկաբեկման էժանագին մեթոդներին ու սկսել են իմ անցյալի վերաբերյալ հեքիաթներ հորինել։

Ամենայն պատասխանատվությամբ հայտարարում եմ՝ ես երբևէ որևէ առնչություն, կարգավիճակ կամ համագործակցություն չեմ ունեցել պարոն Էփշթեյնի հետ։

Այս խղճուկ հորինվածքի միակ նպատակը մեկն է՝ շեղել հանրության ուշադրությունը Հայաստանի ընտրություններին արտաքին միջամտությունների վերաբերյալ մեր փաստաբանական թիմի հետաքննությունից։ Բայց իզուր են փորձում. մեզ կեղծիքով չեն լռեցնի»։
Ավելի վաղ ՔՊ-ական Ռուբեն Ռուբինյանը հայտարարել էր, թե Ռոբերտ Ամստերդամը կապ է ունեցել Էփշթեյնի հետ և նրան իրավաբանական ծառայություններ է մատուցել:

Աղբյուրը`   Ռոբերտ Ամստերդամ

Կարդացե՛ք նաև