«Այս իշխանությունը մահը դարձրել է պաշտամունք»․ Արման Թաթոյան

«Այս իշխանությունը մահը դարձրել է որպես պաշտամունք»,- ասուլիսի ժամանակ հայտնել է «Միասնության թևեր»-ի առաջնորդ Արման Թաթոյանը։ «Անընդհատ խոսում են զինվորների ու առհասարակ մարդկանց զոհվելուց, ասում են՝ ինչո՞ւ չեք զոհվել պատերազմի ժամանակ։ Ոնց կարող է մարդ, ով վարչապետ է, ում ասելով մեր զինվորները գնացել են պատերազմ ու զոհվել, իսկ ովքեր չեն զոհվել, նրանց այդպիսի բան ասի։ Ես սա բացառապես գնահատում եմ որպես մեղքը մեր զինվորների վրա դնելու ակնհայտ քայլ՝ պատասխանատվությունից փախնելու համար։ Բարոյական ոչ մի արժեքի մեջ չի տեղավորվում՝ ո՞նց կարելի է ՀՀ վարչապետն ուրախանա նրա համար, որ մարդիկ զոհվել են, հակառակը չէ՞ պետք է լինի, պիտի ուրախանաս, որ մարդիկ չեն զոհվել, կենդանի են մնացել, ամեն մեկի կյանքը արժեք է»,- նշել է Թաթոյանը։