«Նիկոլ Փաշինյանը մանիպուլացնում է»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Նիկոլ Փաշինյանը մանիպուլացնում է, նա հող հանձնող է, ոչ թե՝ վերադարձնող․
Նիկոլ Փաշինյանը մամուլի ասուլիսի ժամանակ հայտարարել է, որ անկլավների թեմայից չեն կարող հրաժարվել, քանի որ մենք էլ անկլավ ունենք՝ Արծվաշենը, որ ինքը չի խոսում անկլավների մասին, այլ՝ ինքնիշխան տարածքի վերադարձի, սահմանազատման մասին և հավելել․ «Եթե սահմանազատման ընթացքում, ինչպես կանոնակարգով նախատեսված է, որոշ օպտիմալացումներ կլինեն, կարող է և լինել, և եթե կլինի՝ կլինի բաց, հրապարակային, թափանցիկ»։ Նիկոլ Փաշինյանը ստում է, ինչպես միշտ։ Հայաստանի և Ադրբեջանի սահմանազատման հանձնաժողովների կանոնակարգը 2024թ․ օգոստոսին է հաստատվել, սակայն առանց դրա, 2024թ․ գարնանը միակողմանի, ապօրինի կերպով հանձնվեցին Կիրանցի շուրջ 15 հեկտար հողերը և սահմանագատու այլ տարածքներ, դիրքեր։ Դա արվեց գաղտնի, ոչ թափանցիկ։ Ադրբեջանին անկլավների հանձնումը եղել է 2020թ․ նոյեմբերի 9-ի եռակողմ հայտարարության սևագիր տարբերակում, նախագծում, այն հանվել է, որպեսզի հետո իրականացվի։ Նիկոլ Փաշինյանը ՀՀ տարածք, անկլավ Արծվաշենի մասին խոսում է, որպեսզի արդարացնի ՀՀ-ի համար ռազմավարական նշանակություն ունեցող տարածքներ-անկլավների՝ Վերին Ոսկեպարի, Տիգրանաշենի, Սոֆուլույի և Բարխուդարլույի հանձնումը։ Այդ խնդրով Նիկոլ Փաշինյանը ինչ-որ բան չի որոշում, որոշողն Ալիևն է, Փաշինյանն ընդամենը մանիպուլյացիաներ է անում»։