«Համատարած վախի մթնոլորտ է․ մարդիկ տանը իրար չեն ուզում ասել, թե ում են ընտրելու»․ Էդմոն Մարուքյան

ԼՀԿ ղեկավար Էդմոն Մարուքյանը ֆեյսբուքյան իր էջում տեսանյութ է հրապարակել՝ «Համատարած վախի մթնոլորտն ու ընտրությունները» գրառմամբ։

Տեսանյութում խոսելով Հակակոռուպցիոն կոմիտեի կողմից տարածվող ձայնագրությունների մասին՝ մասնավորապես ասել է․ «Հրապարակումները բերել են նրան, որ մարդիկ շատ վախեցած են իրենց կարծիքն արտահայտելու, հավաքներին մասնակցելու համար։ Այս վախի մթնոլորտը ծառայում է միայն իշխանությանը և հետևաբար իշխանությունը սրա քանակն ավելացնելու է։

Այսպիսի վախի մթնոլորտ ես չեմ տեսել, մինչև այս կար պատերազմի վախը, որ պատերազմ է լինելու, հետո եկավ տնտեսական վախը, որ տնտեսապես վատ է լինելու, հիմա էլ գաղտնալսումների վախն է․ մարդիկ տանը իրար չեն ուզում ասել, թե ում են ընտրելու։ Սա խայտառակություն է»։