«Փոխվել է Արտակ Ավետիսյանի մեղադրանքը»․ Ռուբեն Մելիքյան

Փաստաբան Ռուբեն Մելիքյանը ֆեյսբուքյան եթերում անդրադառնալով օրեր առաջ Շենգավիթում ՔՊ-ի քարոզարշավի ժամանակ «Նիկոլ, դավաճան» գոռացող բլորգեր Արտակ Ավետիսյանի կալանավորմանը, մասնավորապես ասում է․ «Արտակ Ավետիսյանի գործով ունենք հետաքրքիր զարգացումներ․ նրա մեղադրանքը փոխվել է։ Նույն ձայնագրությունը, որը որակվում էր որպես «ատելության խոսք», հիմա որակվում է որպես «խուլիգանություն»։ «Խուլիգանությունը» ռեժիմի վերջին ամենասիրած հանցակազմն է։ Կարող են մարդիկ ասել, որ այդ խոսույթը լավն է, լավը չէ, ինչ ուզում եք՝ կարող եք քննարկել, բայց մի բան փաստ է՝ դա որևէ հանցագործություն դիտվել չի կարող, որովհետև ազատ խոսքի դրսևորում է, ատելության խոսք չէ»: