«Քաղաքը պարալիզացված է, ինչ է թե մի վախկոտ դավաճան մի քանի երկաթ պետք է ցուցադրի»․ Էդգար Ղազարյան

Հասարակական-քաղաքական գործիչ, «Ուժեղ Հայաստան» կուսակցության անդամ Էդգար Ղազարյանը ֆեյսբուքյան իր էջում գրել է․ «Երբ բողոքի ակցիաների ժամանակ մարդիկ խաղաղ անհնազանդության ակցիաներ էին իրականացնում մի քանի րոպեով մի փողոցի մի հատված էին փակում, անմիջապես գալիս էին ոստիկանության կարմիր բերետավորները, անհամաչափ ուժ կիրառում և տասնյակ մարդկանց ձերբակալում։ Նրանք պատճառաբանում էին, որ այդ մի քանի րոպեով խաթարվում է երթևեկությունը և անհարմարություն է պատճառվում այլ մարդկանց։ Արդեն երկու օր է խաթարված է Երևանի երթևեկությունը, քաղաքն ամբողջությամբ պարալիզացված է դեռ մայիսի 28-ից երկու օր առաջ, ինչ ա թե մի վախկոտ դավաճան իր հանցավոր ռեժիմը երկարացնելու մոլուցքով տարված մի քանի երկաթ պետք է ցուցադրի՝ մարդկանց խաբելու համար»։