«Սովետի թվից մի պատմություն հիշեցի»․ Արթուր Խաչատրյան

ԱԺ «Հայաստան» խմբակցության պատգամավոր Արթուր Խաչատրյանը ֆեյսբուքյան իր էջում գրել է․ «Սովետի թվին մի գրոտեսկային պատմություն կար։ Ասում են, որ հայկոմկուսի կենտկոմի առաջին քարտուղար Սուրեն Թովմասյանն իր մոտ է կանչում Պարույր Սևակին, ում «Անլռելի զանգակատան» տպագրությունը Սովետի գլավլիտը (գրաքննող մարմինը, առանց որի թուլտվության որևէ ստեղծագործություն չէր տպագրվում) երկար ժամանակ չէր արտոնում, ու ասում է․
- Տղա ջան, գիտես խառը ժամանակներ են, էդ քո բանաստեղծության մեջ մի քանի անգամ Լենին, պարտիա, ռևոլյուցիա, տենց բաներ գրի, որ թողնեն տպեն։
Չգիտեմ, սա իրական պատմություն է, թե ժողովրդական բանահյուսություն, բայց երբ այսօր ստորագրած փաստաթղթերում տեսնում են «անկախություն, ինքնիշխանություն, տարածքային ամբողջականություն» բառերը, միանգամից այդ պատմությունն եմ հիշում․․․»։