«Իրենց 6 տարվա ձախողումները փորձում են թաքցնել հերոս զինվորների թիկունքում»․ Արման Թաթոյան

ՀՀ նախկին ՄԻՊ, «Միասնության թևեր» կուսակցության վարչապետի թեկնածու Արման Թաթոյանը ֆեյսբուքյան եթերում անդրադառնալով Մայիսի 28-ի առթիվ կազմակերպված շքերթին՝ մասնավորապես ասել է․ «Մենք պետք է հպարտանանք մեր այն տղամարդկանցով ու կանանցով, ովքեր ամեն օր քաջաբար պահում են մեր սահմանները։ Ես հպարտանում եմ այն ռազմական տեխնիկոյով, որը մեր երկիրը ունի, ունեցել է և դեռ ունենալու է։ Խաղաղությունը գալիս է ուժից։

Բայց մենք պետք է ճիշտ հասկանանք այս ռազմական շքերթի իրական նպատակներն ու համատեքստը։ Գործող վարչապետը և նրա շրջապատը, որոնք ամեն օր նվաստացնում են մեր զինվորներին և նրանց ընտանիքներին, վետերաններին, կռված մարդկանց՝ իրենց 6 տարվա ձախողումները փորձում են թաքցնել մեր հերոս զինվորների թիկունքում: Այդ 6 տարիները մեզ բերել են 3 խոշոր պատերազմ, 3 պարտություն և երկրորդ հայկական ցեղասպանություն: Մեր զինվորականները արժնի են ունենալ այնպիսի այնպիսի ղեկավարություն, որը նրանց չի նվաստացնում՝ մեր թշնամիներին հաճոյանալու համար»: