«Մեր իշխանության օրոք երբեք այսպիսի միջամտություններ չեն եղել». Սերժ Սարգսյան

Քվեարկելուց հետո ՀՀ երրորդ նախագահ Սերժ Սարգսյանը պատասխանել է լրագրողների հարցերին: Արձագանքելով լրագրողի հարցին, ըստ որի՝ ՔՊ-ի ընտրախախտումների վերաբերյալ ահազանգերը բազմաթիվ են, նման բան նույնիսկ ՀՀԿ-ի օրոք չկար, ասել է. «Նախ կասեմ, որ ՀՀԿ-ի կողմից ընտրախախտումների միֆը չափազանցված էր: Մեր իշխանության օրոք երբեք այսպիսի միջամտություններ ընտրություններին չեն եղել: Ուղղակի էն մարդիկ, ովքեր ՀՀԿ-ից դժգոհ են եղել, մինչև հիմա էլ փորձում են հավասարության նշան դնել, բայց այդ նշանը իրական չի՝ ո՛չ սահմանների առումով, ո՛չ ընտրություններ կազմակերպելու առումով, ո՛չ սուտ ու զրպարտանք տարածելու առումով»: