«Ասում են՝ գործարք եք առաջարկել Գագիկ Ծառուկյանին»․ լրագրողը՝ Ալխաս Ղազարյանին

«Ասում են, որ գործարք եք առաջարկել ԲՀԿ առաջնորդ Գագիկ Ծառուկյանին, նա մերժել է և դա է պատճառը, որ հաշվեհարդար եք տեսնում նրա նկատմամբ և քրեական վարույթ է նախաձեռնվել»,- ճեպազրույցի ժամանակ հարց ուղղվեց ՔՊ-ական պատգամավոր Ալխաս Ղազարյանին։ «Նման բան չկա, հաշվեհարդարի խնդիր էլ չկա, էդ մարդը հարկերից խուսափելու վերաբերյալ ունի քրեական գործ»,- պատասխանեց ՔՊ-ական պատգամավորը։ Դիտարկմանը, թե ընտրություններից հետո իմացա՞ք այդ մասին, Ղազարյանը պատասխանեց․ «Չէ, նոր չենք իմացել, վաղուց գիտեինք, դրա համար էլ վարչապետը հստակ ասում էր, որ այդ մարդիկ նստելու են»։