«Եթե ընդդիմությունն ուզում է իշխանությանը «բոքսի տանձիկ» սարքի, իշխանությունն ասելու է՝ լա՛վ, էդ դիրքում կդիրքավորվե՞նք»․ Նիկոլ Փաշինյան

«Վաղուց հասունացել է ժամանակը, որ մենք անդրադառնանք մեր քաղաքական խոսույթներին․․․ Առաջարկում եմ հրաժարվենք և հասկանանք, որ չի կարելի այդպես շարունակել»,- այսօր ճեպազրույցի ընթացքում ասաց Նիկոլ Փաշինյանը՝ անդրադառնալով Երևանի քաղաքապետարանում տեղի ունեցած ծեծկռտուքին։

«Եթե այդ խոսույթը ցանկացածի դեմ օգտագործեն, մեկ ա, մի օր էդ պայթյունը տեղի է ունենալու։ Իհարկե, ինձ համար շատ ցավալի է և ընդունելի չի, որ այդպիսի բաներ են տեղի ունենում, բայց չի կարա դա միակողմանի լինի։ Այսինքն՝ եթե ընդդիմությունն ուզում ա իշխանությանը «բոքսի տանձիկ» սարքի, ի՞նչ, իշխանությունն ասելու է՝ լա՛վ, դե որ ընդդիմությունը տենց ա ուզում, ուրեմն մենք էդ դիրքում կդիրքավորվե՞նք։ Չէ՛, չի լինի»,- ասաց Փաշինյանը։