«Այս իշխանությունների կառավարման ամեն մի օրն ահռելի վնաս է հասցնում մեր երկրին»․ Դավիթ Մանուկյան

«Ապրելու երկիր» կուսակցության քաղաքական խորհրդի անդամ Դավիթ Մանուկյանը ֆեյսբուքյան իր էջում գրել է․ «Օրվա իշխանությունների կառավարման ամեն մի օրն ահռելի վնաս է հասցնում մեր երկրին։ Խորը դառնություն է պատճառում այն փաստը, որ մեր բազմաթիվ հայրենակիցներ իրենց ձայնով պահեցին այս իշխանություններին, և բացարձակապես էական չէ, թե դա ինչից ելնելով արեցին՝ գաղափարական մղումներից, անձնական շահից, վախից, կաշառքից, պաշտոնից, թե՞ չիմացությունից. որևէ դեպքում արդարացում չկա՝ անգամ մոլորյալ լինելու պարագայում:
Ժամանակը կստիպի հասկանալ իրենց սխալը, բայց, ցավոք, դա շատ թանկ է նստելու մեր պետության վրա։
Քավ լիցի, ես հիմա չեմ պնդում, թե որն է բացարձակ ճշմարտությունը, բայց այն, որ այս իշխանությունները վնասից բացի, ոչինչ չեն տվել այս պետությանը, անվիճելի իրողություն է։ Նրանց կառավարման ամեն մի օրը հանգեցնում է անդառնալի կորուստների, որոնց վերականգնումը շատ ավելի բարդ է լինելու։ Նրանք պետք է հեռանան։
Պայքարը շարունակվում է և կշարունակվի այնքան ժամանակ, մինչև նրանք հեռացվեն»։