«Սա նաև մարզային պարեկների փնթի աշխատանքի հետևանքն է»․ Արամ Գևորգյան

Բլոգեր Արամ Գևորգյանը ֆեյսբուքյան իր էջում գրել է․ «Ես իհարկե հասկանում եմ գյուղացու հոգսը, ծանր կյանքը և այլն, բայց հարգելի ժողովուրդ ջան, երբ էս խոտանված ուտիլով, առանց վարորդական վկայականի հելնում, ընգնում եք ճամփա, դրանով միայն ձեր կյանքը չեք վտանգում։ Դրանով նույն երթևեկության մեջ գտնվող մարդատար մեքենաների ու հետիոտների կյանքն էլ եք վտանգում, ինչպես եղել է երեկ։ Ճամբարակից Վահան գյուղ ճանապարհին 7 զինվորի է վրաերթի ենթարկել, որից մեկը մահացել է, երկուսի վիճակը ծանր է։ Ասում են՝ զինվորները վազելիս են եղել... չգիտես ինչի՝ ճանապարհի վրա, այլ ոչ զորամասի տարածքում։
Սա նաև մարզային պարեկների փնթի աշխատանքի հետևանքն է. երբ, օրինակ, ուղևորը ամրագոտի գցած չի լինում կամ մի վայրկյանով հեռախոսով բան ես խոսում, մեր սուրաչք պարեկները արագ նկատում ու արձանագրում են։ Բայց որ սենց ուտիլները ճամփեքով ընգած գնում են, առանց պռավա, առանց համար, ոչ ոք չի տեսնում, չի նկատում, մինչև մեկի գլուխ չուտեն, իրանք էլ գան, տարածք սահմանազատեն»։