«Այս տղերքի արածը գցեցին ջուրը, չպահեցին մեր հայրենիքը»․ զոհվածի մայր

«Շատ վիրավորված եմ ամեն ինչից՝ կյանքից, իշխանությունից. ի՞նչ եղավ մեր հայրենիքի հետ, ո՞ւր ա մեր հայրենիքը, մաս-մաս անջատում են, տալիս։ Ցավը խորն է, որն այս օրերին ավելի է խորանում, այս տղերքի արածը գցեցին ջուրը, չպահեցին մեր տղերքի արյունով պահած հայրենիքը»,- «Եռաբլուր»-ում «Նյուզ»-ի հետ զրույցում ասել է զոհված զինծառայողի մայր տիկին Աննան։ «Շատ վիրավորված եմ, մի մասսայի համար ուտել-խմելու առիթ լինի՝ գնան. էլի թող ուրախանան, բայց ոչ հիշատակի օրերին, ոնց որ հատուկ անեն։ Նույնիսկ ոչ մի տեղով չհիշատակեցին, որ այդ օրը Արցախը հայաթափ եղավ. լավ, ասում են Արցախը մերը չէ, բա Հայաստանի սահմանները. Ջերմուկի դեպքերի այդ օրը ոչ մի ձևով պետական մասշտաբով չհիշվեց։ Հիասթափված, վիրավորված եմ, բայց պետք է հպարտ լինեինք։ Այո, ես հպարտ եմ իմ տղայով, բայց այդ հպարտությունն այսպես ցավոտ չպետք է լիներ»,- նշել է զրուցակիցը։