«2013-ին ամբողջ համացանցը քննադատեց համերգի ծախսը, իսկ այսօր նույնիսկ չգիտեն՝ ինչքան ծախսվեց»․ Վահան Բաբայան

Ռեֆորմիստների կուսակցության նախագահ Վահան Բաբայանի ֆեյսբուքյան գրառումը․ «2013 և 2026 թվականներ․ որքան է պետությունը ծախսել Անկախության օրվա միջոցառումների վրա.
2013 թվականի սեպտեմբերի 21-ին Անկախության օրվա Հանրապետության հրապարակում կայացած Նունե Եսայանի համերգի համար պետական բյուջեից հատկացվել էր 54 միլիոն 691 հազար դրամ։
2026 թվականին՝ Անկախության 35-ամյակի միջոցառումների համար, կառավարությունը պետական բյուջեից հատկացրել է արդեն 1 միլիարդ 326 միլիոն դրամ՝ մոտ 3.65 միլիոն դոլար։ Ծրագրում ներառված են Երևանում և չորս մարզկենտրոններում անցկացվող միջոցառումները, իսկ միայն Երևանի Հանրապետության հրապարակի ծրագրի համար նախատեսվել է 1 միլիարդ 31 միլիոն դրամ։
Տարբերությունը՝ 2013-ին ամբողջ համացանցը քննադատեց այդ համերգի ծախսը, իսկ այսօր նույնիսկ չգիտեն՝ ինչքան ծախսվեց և ինչ եղավ:
Նախկիններին դեմոնիզացնողները թող սա կարդան և մտածեն»: