«Ազգային հզորություն կառուցելու ճանապարհին կարևոր են նաև ոչ նյութական ռեսուրսները»․ Արա Պողոսյան

Քաղաքագետ Արա Պողոսյանը ֆեյսբուքյան իր էջում գրել է․ «Փրկությունը ո՛չ Արևմուտքից է լինելու, ո՛չ Ռուսաստանից, ո՛չ արևելքից, ո՛չ հարավից։
Փրկությունը ներսից է լինելու, ուժը ներսից է գալու, և հզորությունն էլ, փառքն էլ, հարստությունն էլ ներսից են գալու։ Եվ միակ պայմանը՝ որակյալ ազգային էլիտա ունենալն է, որը կգեներացնի հայության Համապարփակ ազգային ուժը (Comprehensive national power) որպես Պետության համապարփակ ուժ (Comprehensive state power):
Նյութական ռեսուրսները թեպետ կարևոր, բայց ո՛չ բավարար պայման են ազգային հզորություն կառուցելու ճանապարհին։ Նմանապես կարևոր են նաև ոչ նյութական ռեսուրսները, որպես նյութական ռեսուրսներն իրական ազդեցության փոխարկող (Conversion) գործիքներ»։