«Շարունակում եմ հետևել բուսաբանական այգում ապօրինի հատված կաղնիների պատմությանը»․ Քրիստինա Վարդանյան

Երևանի ավագանու անդամ Քրիստինա Վարդանյանի ֆեյսբուքյան գրառումը․ «Երևանի բուսաբանական այգում ապօրինի հատված կաղնիների պատմությանը շարունակում եմ հետևել։
Հիշեցնեմ՝ Բնապահպանության և ընդերքի տեսչական մարմնի տվյալներով՝ Այգու հարավարևելյան հատվածում հայտնաբերվել էին 34 ապօրինի հատված կաղնիների կոճղեր՝ 35–74 սմ տրամագծով, իսկ շրջակա միջավայրին պատճառված վնասը գնահատվել էր 16,57 միլիոն դրամ։
Սեպտեմբերի 17-ին պաշտոնական հարցում եմ ուղարկել ՀՀ քննչական կոմիտե՝ հետաքրքրվելով տվյալ դեպքով հարուցված քրեական վարույթի ընթացքով և բնությանը պատճառված վնասի վերականգնման հարցով։
Սեպտեմբերի 18-ին ստացված պաշտոնական պատասխանի համաձայն՝ նախաքննությունը շարունակվում է։ Իրականացվում են քննչական և այլ դատավարական գործողություններ, այդ թվում՝ շրջակա միջավայրին պատճառված գույքային վնասի վերականգնման ուղղությամբ։
Այս գործին շարունակելու եմ հետևել։
Կարևոր է ոչ միայն արձանագրել ծառերի ապօրինի հատման փաստը, այն էլ Բուսաբանական այգում, այլև հետևել, թե ով է պատասխանատվություն կրելու դրա համար և արդյոք պետությանը պատճառված 16,57 միլիոն դրամի վնասը կվերականգնվի, թե…
Նշեմ, որ ծառահատման տոմսերի հետ կապված հարցերի պատասխանատուն նույն անձն է, ով նախագահում է Երևանի քաղաքապետարանի «Կանաչապատում և շրջակա միջավայրի պահպանություն» ՀՈԱԿ-ի գիտատենիկական խորհուրդը և նույն կառույցի տնօրենի խորհրդականն է»։