Զապին և Օշականցի Գևորիկին կալանավորելու միջնորդություն կներկայացվի

Ինչպես արդեն հայտնել ենք՝ այսօր ձերբակալվել են «օրենքով գողեր»՝ Օշականցի Գևորիկն ու «Զապը»։ «Հրապարակ»-ը գրում է․ «Ըստ իրավապահների՝ Գևորիկը մի խումբ անձանց հետ գնացել է Հրաչյա Ներսիսյան փողոց՝ «օրենքով գողի»՝ Զապի նախկին փեսային պատժելու։ Տեղի է ունեցել վիճաբանություն, հայհոյանքներ ու փոխադարձ հարվածներ։

Դեպքից հետո նախկին փեսան էլ փորձել է հաշվեհարդար տեսնել նախկին աներոջից, սակայն չի կարողացել ավարտին հասցնել գործը։

Մենք տեղեկացանք, որ Քննչական կոմիտեն վաղը պատրաստվում է կալանքի միջնորդություն ներկայացնել դատարան։ ՔԿ-ից մեզ փոխանցեցին. «Խուլիգանության դեպքի առթիվ նախաձեռնված քրեական վարույթի շրջանակում ձերբակալվել է 2 անձ։ Նախաքննությունը շարունակվում է»։