«Կարո՞ղ է վերջապես զբաղվեք անշարժ գույքի շուկայի վերահսկմամբ». Մարիամ Աբրահամյան

Արցախի մայրիկների աջակցման կենտրոն ՀԿ ղեկավար Մարիամ Աբրահամյանը ֆեյսբուքյան իր էջում գրել է. «Պաշտոնական տվյալներով՝ բռնի տեղահանված 30,000 ընտանիքից շուրջ 7,000 ընտանիք է ձեռք բերել սերտիֆիկատներ, որոնց նույնիսկ կեսը չի կարողացել իրացնել այն:
Մինչ ՀՀ կառավարությունը համարում է, թե 3 տարին լիովին բավարար էր բնակարանային հարցերը լուծելու համար ու գնում է աջակցության ծրագրերի բացարձակ կրճատման, իրականությունը այլ է:
Արցախցիներն իրենց վարձակալած բնակարանները պատահաբար «Լիստո»--ում տեսնում են 30-50%-ով թանկացած հայտարարություններով։ Հետո տանտերը պայման է դնում՝ կամ վճարում եք այսքան ու մնում, կամ էլ ազատում եք բնակարանը:
Էլ չեմ խոսում անշարժ գույքի արժեքների մասին, որոնց գները բնակապահովման ծրագրի փոփոխություններին զուգահեռ թռիչքաձև աճում են:
Ու սա միայն արցախցիների խնդիրը չէ, սրան օրական բախվում են ԲՈԼՈՐ նրանք, ովքեր վարձով են ապրում։
ՀՀ կառավարություն, կարո՞ղ է վերջապես զբաղվեք անշարժ գույքի շուկայի վերահսկմամբ»։