«Երբ մեդիան փաստերի փոխարեն դիրքորոշումներ է սպասարկում, վտանգվում է ժողովրդավարությունը»․ Ռոբերտ Ամստերդամ

Միջազգային իրավապաշտպան, փաստաբան Ռոբերտ Ամստերդամը ֆեյսբուքյան էջում տեսանյութ է հրապարակել՝ կից գրառմամբ․ «Մենք կորցրել ենք օբյեկտիվությունը։ Ես խոսում եմ արևմտյան մեդիայի մասին, բայց սա միայն Արևմուտքի խնդիրը չէ։ Երբ մեդիան փաստերի փոխարեն դիրքորոշումներ է սպասարկում, վտանգվում է նաև բանավեճը՝ ժողովրդավարության հիմքերից մեկը։
Հենց այս մասին է նաև իմ նոր փոդքասթը լինելու՝ բարձրաձայնել այն, ինչի մասին ավանդական մեդիան լռում է կամ ներկայացնում միակողմանի։
Առաջին թողարկումը՝ «Diddy, Mangione and Weinstein: The Defense Lawyers Speak Out»՝ երեք աղմկահարույց գործ՝ պաշտպանող փաստաբանների տեսանկյունից։
Այս քննարկումները ներկայացնելու եմ նաև հայաստանյան լսարանին։
Հայկական իրականությանը ավելի մոտիկից ծանոթանալով՝ արդեն տեսել եմ, թե որքան վտանգավոր է, երբ հանրությանը հասնում է պատմության միայն մեկ կողմը։ Զուգահեռներն անխուսափելի են»։