«Ճողոպրելուց խոսում է մի մարդ, ով քլունգն առած քանդում է մայր բուհը»․ Դավիթ Ղազինյան

«Ճողոպրելուց խոսում է մի մարդ, ով քլունգն առած քանդում է մայր բուհը»,- այս մասին այսօր ԱԺ–ում կառավարության հետ հարցուպատասխանի ժամանակ նշեց «Ուժեղ Հայաստան» խմբակցության պատգամավոր Դավիթ Ղազինյանը։
Տեղից վարչապետ Նիկոլ Փաշինյանն ասաց. «Պապային գործից հանել են, վայ, պապա ջան, էս ո՞նց քեզ գործից հանցին (նկատի ունի Դավիթ Ղազինյանի հորը՝ Գագիկ Ղազինյանին, որին հեռացրել են ԵՊՀ-ից-խմբ․)։

«Ձերը էդ ա, իմը էդ չի։ Չի կարա իմ պապային ոչ մեկ գործից հանի, իսկ ձեզ ժողովուրդը կհանի շատ շուտով։ Ինձ էդ դաշտ մի տարեք, ես չեմ գնալու, ինձ տանը չեն սովորեցրել հասարակության, կամերաների առաջ ինձ տենց պահել։

Երկրորդը, չհասկացաք, որ մեր քթից բերել հնարավոր չի ուղղակի։ Ամեն ինչ արել եք, նստացրել եք, ընտանիք եք մտել, չի ստացվում։ Կարծում եմ՝ մինչև հասկանաք, ձեր իշխանության վերջը կգա»,- արձագանքեց Ղազինյանը։