«Քննչական կոմիտեի ծառայողի օրվան նվիրված հանդիսավոր նիստին հանդես եմ գալիս ելույթով». Նիկոլ Փաշինյան

Վարչապետ Նիկոլ Փաշինյանը ֆեյսբուքյան էջում տեսանյութ է հրապարակել՝ կից գրառմամբ․ «Քննչական կոմիտեի ծառայողի օրվան նվիրված հանդիսավոր նիստին հանդես եմ գալիս ելույթով»։

Փաշինյանը նշել է՝ մարդիկ այսօր ամենամեծ պահանջն ու ակնկալիքը, որ ունեն՝ արդարությունն է։

«Իսկ ինչպես մենք հասնենք այն զգացմանը, որ քաղաքացիներն արձանագրեն, որ իրենք արում են արդար երկրում, արդար միջավայրում։ Սա պարզ խնդիր չէ, որովհետև չկան պարզ բանաձևային լուծումներ։ Սա խորը, սոցիալ-հոգեբանական, փիլիսոփայական, բայց նաև շատ գործառնական խնդիր է, որի մի զգալի հատվածը հենց քրեական գործերի քննության համատեքստում է դիտարկվում»,- ընդգծել է նա։