«Մենք մեր զոհերին թեթև հողակույտով թուրքից թաքցրել ենք, ասացին՝ պետությունը կտեղափոխի»․ զոհվածի ծնող

«Արցախի հայաթափման վերջին օրերին մենք մեր զոհերին թեթև հողակույտով թուրքից թաքցրել ենք, որովհետև մեզ ասացին, որ պետությունը պարտավորվում է, որ կտեղափոխի։ Ասեցին՝ դուք ոչ մի բան մի արեք, որովհետև կարող ա Հակարի անցակետով չթույլատրեն անցկացնել, ձեր աչքի առաջ ձեր հարազատի մարմինը խոշտանգեն և այլն»,- ԱԺ-ում անհետ կորած և զոհված զինծառայողների՝ ընդդիմադիր «Ուժեղ Հայաստան» խմբակցության անդամների հետ հանդիպման ժամանակ ասաց արցախյան վերջին պատերազմում զոհվածի ծնողներից մեկը։
«Խնդիրում ենք՝ բարձրաձայնեք այդ հարցն ու ուղիղ հղեք պարոն Փաշինյանին, ուզում ենք իրենից պատասխան լսենք։ մենք պահանջում ենք արտաշիրիմում անել»,- նշեց նա։