«Մոլորյալներին մոլորյալներով են փոխանակում, բայց այստեղ ուրիշ իրավիճակ է»․ Արարատ Միրզոյան

«Ադրբեջանցի զինծառայող է հատել սահմանը․ Ալեն Սիմոնյանն ասում է՝ մոլորվել է։ Իսկապե՞ս նա մոլորվել է. մոլորյալին հայ գերիներով կփոխանակե՞ք»,- լրագրողը հարց ուղղեց Արտաքին գործերի և միջազգային առևտրի նախարար Արարատ Միրզոյանին։ «Մոլորյալներին մոլորյալներով են փոխանակում՝ բարի կամքով և կառուցողական մթնոլորտով»,- ասաց Միրզոյանը և շարունակեց․ «Լինում են նաև հայկական կողմից մոլորվող զինվորներ, հովիվներ։ Բայց ինչ վերաբերում է այս դեպքին, այստեղ լրիվ ուրիշ իրավիճակ է. անկախ նրանից, թե ինչ պատճառով է եկել, տեղի է ունեցել հանցագործություն և ըստ այդմ, ՀՀ օրենսդրության համաձայն, այդ բոլոր ընթացակարգերը պետք է պահվեն։ Այս դեպքը չի գնում մյուս մոլորյալների շարք»։