«Ծանր վիճակում է Ուկրաինան, բայց որքան շուտ ավարտվի ռուս-ուկրաինական պատերազմը, այնքան լավ»․ Նաիրի Հոխիկյան

Լրագրող, հանրային գործիչ Նաիրի Հոխիկյանի գրառումը. «Ուկրաինայի նախագահ Զելենսկին Fox News-ին տված հարցազրույցում հայտարարել է, որ պատրաստ է վերջնական հրադադար կնքել Ռուսաստանի հետ՝ հրաժարվելով այն տարածքներից, որոնք գրավել են ռուսները։
Ծանր, շատ ծանր վիճակում է Ուկրաինան, բայց որքան շուտ ավարտվի ռուս-ուկրաինական պատերազմը, այնքան լավ ուկրաինացիների, ռուսների, նաև աշխարհի բազմաթիվ այլ երկրների՝ այդ թվում հայերի ու Հայաստանի համար։
Չմոռանանք միայն, որ 2020-ի հոկտեմբերին նույն այս Զելենսկին իր անվերապահ աջակցությունն էր հայտնում Ադրբեջանին ու հայտարարում էր, թե օգնում է ադրբեջանցիներին՝ Արցախը գրավելու համար»։