Հինգշաբթի, 22 հոկտեմբերի, 2026 թ.
|
Ստեփանակերտում`   +14 °C

«Իշխանությունը ցանկանում է ավելի շատ մանդատ վերցնել և փոխել ընդդիմությանը»․ Վահան Բաբայան

«Իշխանությունը ցանկանում է ավելի շատ մանդատ վերցնել և փոխել ընդդիմությանը»․ Վահան Բաբայան
40
Այսօր, 16:24

Ռեֆորմիստների կուսակցության նախագահ Վահան Բաբայանը ֆեյսբուքյանիր էջում գրել է․ «2027-ին հավանաբար կլինեն արտահերթ ԱԺ ընտրություններ
Փաշինյանն այսօր հայտարարել է, որ սահմանադրությունը եթե չկարողանա անցկացնել (իսկ ինքը ունի պակասող մոտ վեց մանդատ), նա կգնա արտահերթի: Բայց իրականում կարծում եմ խնդիրը այլ տեղ է թաքնված, եթե հարցը միայն սահմանադրությունը լինի, ապա պակասող ձայներ ապահովելը իշխանության համար կարող է ավելի հեշտ լինել, քան արտահերթը: Իսկ եթե ընտրում են նոր ընտրությունների գնալու տարբերակը, ուրեմն խնդիր է դրվում նաև այսօրվա խորհրդարանական ընդդիմությունից ազատվելը:
Ու հարցը այն չէ, թե այդ ընդդիմությունն իրենց համար լավն է, թե վատը, խնդիրը այն է, որ իշխանությունը ցանկանում է նախ ավելի շատ մանդատ վերցնել, քան վերցրել էր այս տարի: Եվ ինչու չէ նաև փոխել ընդդիմությանը: Եվ հավանաբար կլինեն ապագայում այլ բաներ, որոնց քվեարկությունը կրկին կարող է գլխացավանք դառնալ իշխանության համար:
Իսկ ինչո՞ւ 2027-ին: Որովհետև մեկ տարի անց է կարելի միայն անցկացնել արտահերթ»:

Աղբյուրը`   Վահան Բաբայան