««Սրբազան պայքարի» գործով դատավարությունը վերածվել է անվերջության պրոցեսի»․ Տիգրան Աբրահամյան

ԱԺ նախկին պատգամավոր Տիգրան Աբրահամյանը ֆեյսբուքյան իր էջում գրել է․ ««Սրբազան պայքարի» գործով դատավարությունը վերածվել է անվերջության պրոցեսի, որտեղ յուրաքանչյուր դատական նիստում իշխանության մի նոր փուչիկ է պայթում:
Նաև սրանով է պայմանավորված, որ այս ամենին զուգահեռ տարբեր պատճառաբանություններով դատական նիստերը հաճախ հետաձգվում են:
Իշխող ռեժիմը լավ գիտի, որ այս մարդիկ չեն կատարել իրենց վերագրվող հանցագործությունները, սակայն խնդիր ունի գործը երկար-բարակ ձգելու, որպեսզի գործով անցնող անձանց քաղաքական, հասարակական ակտիվությունը առավելագույնս սահմանափակվի:
Մի կողմից՝ պետության մսխվող ռեսուրսներն են, մյուս կողմից՝ տարբեր զրկանքներ կրող, սակայն չհանձնվող մարդիկ»: