«Թող կամեռաները սահմանին դնեն, թե՞ մենակ ընդդիմադիր գործիչների լոգարաններում են դնում»․ Նարեկ Կարապետյան

«Հովվի վերադառնելու հետ կապված մենք որևէ խնդիր չենք տեսնում, բայց այն անձը, ով Հայաստանում ահաբեկչություն էր արել, պետք է չարտահանձնվի, ու մենք բոլոր քայլերն անելու ենք, որ չարտահանձնվի»,- լրագրողների հետ զրույցում ասել է ԱԺ «Ուժեղ Հայաստան» խմբակցության ղեկավար Նարեկ Կարապետյանը։ «Բայց տարօրինակն ուրիշ բան է․ հովիվն էլ է կարողանում սահմանն անցնել, ահաբեկիչն էլ․ այսքան տարիների ընթացքում հնարավոր չի՞ եղել այն կամեռաները, որ Հայաստանում դրվում են գրեթե ամեն տեղ, մի հատ էլ սահմանին դնեն, թե՞ մենակ ընդդիմադիր գործիչների գրասենյակներում, լոգարաններում, այլ տեղերում են դնում։ Թող այդ նույն կամեռաներից մի հատ վերցնեն, սահմանին դնեն»,- շարունակել է ընդդիմադիր գործիչը։