Նիկոլ Փաշինյանը ցավակցել է Ֆրանսիային՝ Տրապում և Լա Վերիերում տեղի ունեցած ահաբեկչության կապակցությամբ

Վարչապետ Նիկոլ Փաշինյանը X-ի իր էջում ֆրանսերեն գրառում է կատարել՝ անդրադառնալով Ֆրանսիայում տեղի ունեցած ողբերգական դեպքին․

«Խստորեն դատապարտում եմ Տրապում և Լա Վերիերում տեղի ունեցած ահաբեկչական ակտը։ Իմ ցավակցություններն եմ հայտնում զոհի ընտանիքին և շուտափույթ ապաքինում մաղթում վիրավորներին։

Հայաստանն իր համերաշխությունն է հայտնում Ֆրանսիային՝ ռասիզմի և ատելության բոլոր ձևերի դեմ պայքարում»։

Նշենք, որ Փարիզից 20 կմ արևմուտք գտնվող Տրապ քաղաքում նախօրեին ավտոմեքենայից կրակոցներ են արձակվել, հրաձգության հետևանքով առնվազն 1 մարդ զոհվել է, 4-ը՝ վիրավորվել։ Ֆրանսիայի դատախազները միջադեպը դիտարկել են որպես հնարավոր ահաբեկչություն։