Երկուշաբթի, 23 փետրվարի, 2026 թ.
|
Ստեփանակերտում`   +9 °C

Ստրասբուրգում մեկնարկել է ԵԽԽՎ ձմեռային նստաշրջանը

Ստրասբուրգում մեկնարկել է ԵԽԽՎ ձմեռային նստաշրջանը
1946
Երկուշաբթի, 21 հունվարի, 2019 թ., 11:15

Այսօր՝ հունվարի 21-ին, Ստրասբուրգում իր աշխատանքն է սկսել Եվրոպայի Խորհրդի Խորհրդարանական Վեհաժողովը (ԵԽԽՎ):

Ձմեռային նստաշրջանին կքննարկվեն կազմակերպչական հարցեր, ընտրվել է կառույցի նոր ղեկավարությունը: Նստաշրջանի շրջանակներում կկայանա նախարարների կոմիտեի նիստ, ելույթով հանդես կգա կազմակերպության գլխավոր քարտուղար Թյորնբորն Յագլանդը:

Կքննարկվեն նաև Վրաստանի նախագահական ընտրություններն ու Հայաստանի խորհրդարանական ընտրությունները, ինչպես նաև զեկույցներ կներկայացվեն այնպիսի թեմաներով, ինչպիսիք են՝ հանրաքվեների գործընթացի թարմացում, ժողովրդավարական ընտրությունների համար մեդիայի ազատության հիմնական պայմաններ, քարոզչության բացահայտման գործում մեդիայի դերն ու կեղծ տեղեկատվության փոխանցումը, ազգային փոքրամասնությունների իրավունքների պաշտպանությունը և այլն, կարծիքների փոխանակում տեղի կունենա: