«Քո շնորհիվ ՀՀԿ հանցավոր վերնախավը շարունակում է անպատիժ թալանել երկիրը». Գագիկ Եղիազարյան
75
Երեքշաբթի, 10 սեպտեմբերի, 2019 թ., 21:10
«Սասնա ծռեր» կուսակցության անդամ Գագիկ Եղիազարյանը ֆեյսբուքյան իր էջում գրել է. «Շատերն են մեզ ասել, որ մենք անշնորհակալ ենք և չենք գնահատում այն, որ Նիկոլը եթե չլիներ մենք մինչև հիմա բանտում կլինեինք և նման բաներ... «Շնորհակալ ենք»... Շնորհակալ ենք, որ դու երկրորդ մարդն ես, որ փոշիացնում է ազգային զարթոնքը, որ քո շնորհիվ ՀՀԿ հանցավոր վերնախավը շարունակում է անպատիժ թալանել երկիրը, խարխլել ազգային միասնությունը և մնացած ապապետական գործունեությունը... Շնորհակալ ենք, որ երկրի ընդերքը շարունակվում է հոշոտվել նախկինից մի բան էլ ավել և հանրությունն այնքան է մոլորեցվել, որ համարում են, որ դա, այսպես ասած, մեր ճակատագիին է և այլընտրանք չկա... Շնորհակալ ենք, որ ոստիկանություն կոչվող հրոսակախումբը, որ տասնամյակներ շարունակ եղել է ռեժիմի ձեռքին մահակ, սեփական ժողովրդի, նրա ընդվզումը ճնշելու դեմ՝ առանց դույզն-ինչ փոփոխվելու վերածվեց ազգի պահապանի... Շնորհակալ ենք, որ ամեն մի շան տղա ու շան աղջիկ լեզու են առել ու ողջ գիտակցական կյանքը հայրենիքին ու ազգին նվիրած ֆենոմենի հասցեին ռեպլիկներ են անում... Շնորհակալ ենք, որ նույնիսկ սեռժիկի օրոք այդքան քաջություն չունեցած նրա գործիքներն այսօր ելել և ասում են՝ ԲԵՐՁՈՐՈՒՄ ՄԵՆՔ ԵՆՔ ՂԵԿԱՎԱՐԵԼ ԾԵԾՆ ՈՒ ՋԱՐԴԸ, ԹԵ ԿԱՐՈՂ ԵՔ ՄԵԶ ԴԱՏԵՔ... Շնորհակալ ենք, որ հանրային հիասթափությունը նոր՝ առավել վտանգավոր փուլ է թևակոխում, և մարդիկ սկսել են երանի տալ սս-ի ժամանակներին... Շնորհակալ ենք, որ մաքսային միությունն անքննարկելի չարիքից վերածվել է այլընտրանք չունեցող չարիքի... Թվարկումս այսքանով չի ավարտվում, և կարող եմ օրեր շարունակել, բայց խնայելով իմ և ընկերներիս (որոնք կարող է կարդան) նյարդերը՝ կսահմանափակեմ...»:
