Ուրբաթ, 04 հուլիսի, 2025 թ.
|
Ստեփանակերտում`   +17 °C

«Թե՛ Հոկտեմբերի 27-ը, թե՛ Մարտի 1-ը հենց այդ նպատակով են եղել». Ռաֆայել Թեյմուրազյան

«Թե՛ Հոկտեմբերի 27-ը, թե՛ Մարտի 1-ը հենց այդ նպատակով են եղել». Ռաֆայել Թեյմուրազյան
425
Հինգշաբթի, 12 սեպտեմբերի, 2019 թ., 10:40

Լրագրող Ռաֆայել Թեյմուրազյանը ֆեյսբուքյան իր էջում գրել է. «Վաղն սկսվում է Մարտի 1-ի գործով դատավարությունը։ Ռ. Քոչարյանին մեղսագրվող արարքը սովորական հանցագործություն չէ։ Խոսքն ա՛յն աստիճանի հանցանքի մասին է, որը միակ հանցատեսակն է, որի մասին նշված է սահմանադրության մեջ, ընդ որում՝ անփոփոխ հոդվածով։

Իշխանությունից դժգոհություններ կան, շատերս տարակուսում ենք, թե ինչու մինչև հիմա ինչ-ինչ քայլեր չեն արվել և այլն։ Թերևս հնարավոր էր ավելի լավ դիրքում լինել հիմա այս դիմակայության մեջ, բայց միևնույն է՝ ՀՀ ինքնիշխանության ամրապնդումն առանց դիմադրության չի լինելու։ Հարվածների նպատակն էլ ոչ թե Ն.Փաշինյանի իշխանությունը տապալելն է, այլ՝ Հայաստանն ընտրված իշխանությունից զրկելը։ Մեծ հաշվով, թե՛ Հոկտեմբերի 27-ը, թե՛ Մարտի 1-ը հենց այդ նպատակով են եղել...

Հարյուրավոր զինվորականներ ու նախկին բարձրաստիճան պաշտոնյաներ ցուցմունքներ են տալու դատարանում։ Դատավարությունն առհավետ վերացնելու է Ռ. Քոչարյանին որպես գործոն։ Հենց այդ պատճառով էլ նա ամեն ինչ անելու է (թե՛ դատարանի դահլիճում և թե՛ դրանից դուրս), որ բանը բուն դատաքննությանը չհասնի, իսկ հասնելու դեպքում էլ՝ հնարավորինս քիչ ուշադրության արժանանա։ Բայց սա ավելին է, քան Ռ. Քոչարյանի դատը։ Այս դատավարությունը հայկական պետականության պատասխանն է իր դեմ ուղղված ոտնձգություններին»։