Ալեն Սիմոնյանը՝ Հրայր Թովմասյանի ու Արա Բաբլոյանի մասին

Երեքշաբթի, 29 հոկտեմբերի, 2019 թ., 16:30

«Չեմ կարծում, որ սրանք Հրայր Թովմասյանի շուրջ գործընթացներ են: Գաղտնիք չէ, որ Հ.Թովմասյանն ու դատական իշխանության որոշ ներկայացուցիչներ մնացել են վերջին բաստիոնը նախկին իշխանության, որովհետև ժամանակին նշանակվել են, որպեսզի սպասարկեն այդ իշխանությանը: Հ.Թովմասյանի նշանակման հետ կապված շատ լուրջ հարցեր կան՝ օրինականությանը վերաբերող». հոկտեմբերի 29-ին լրագրողների հետ զրույցում ասաց ԱԺ փոխնախագահ Ալեն Սիմոնյանը՝ ի պատասխան այն հարցի, թե պատահականությո՞ւն են առերևույթ կատարված հանցագործություններին Հրայր Թովմասյանի ուղղակի մասնակցության վերաբերյալ պնդումները:

Անդրադառնալով Արա Բաբլոյանի գործին՝ Ա.Սիմոնյանն ասաց, որ եթե պարզվի, որ Բաբոլյանը պաշտոնական դիրքի չարաշահում է կատարել, փաստաթղթերի կեղծում կամ որևէ այլ բան, պետք է շարժվել «օրենքի առաջ բոլորը հավասար են» սկզբունքով:

«Եթե վաղն ինձ հետ կապված խնդիր լինի, ես կներկայանամ քննչական մարմիններ՝ բացատություններ տալու համար»,-նշեց ԱԺ փոխնախագահը: