«8 տարի է իշխանությունն ասում է՝ ձեր ունեցածը «նախկիններն» են գողացել, սակայն ժողովրդին ոչինչ էլ չի վերադարձվում»․ Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրել է. «Սարերից մի աժդահա չոբան է իջնում քաղաք, նրան սովորեցնում են բռնցքամարտի կանոնները, նա մրցման է մասնակցում։ Մարզիչը տեսնելով, որ աժդահան շատ ալարկոտ է կռվում, շատ անհավես, մտածում ու գտնում է նրան մոտիվացնելու, գրգռելու հնարը։ Ռաունդների արանքի ընդմիջմանն նա ասում է հսկային․ «Սարում քո կալոշի թայը քո այսօրվա մրցակիցն է գողացել»։ Չոբանը խիստ զայրացած մտնում է ռինգ ու նոկաուտի ենթարկում մրցակցին։
8 տարի է, ինչ իշխանությունը հանրությանը այդ չոբանի տեղը դնելով՝ ցույց տալով «նախկիններին», ասում է՝ ձեր ունեցածը նրանք են գողացել։ Սակայն ժողովրդին ոչինչ էլ չի վերադարձվում «նախկինների» արած թալանից, նրանցից խլված ունեցվածքը տրվում է իշխանության սրտի նորահայտ մեծահարուստին։ Այսպես ժողովրդին շարունակում են սարի զըռ չոբանի տեղ դնել։ Հայցում եմ բոլոր խելացի հովիվների ներողամտությունը»։